PRAKTIKALDIRAKO HASIERAKO IDEIA

Gure hasierako asmoa haurren teknologia berrien erabileraren inguruko hausnarketa sakon bat bideratzea da. Horretarako, erronka bat botako diegu, teknologia berrien ideia mugatuz. Horrez gain, lehenengo lau astegunetan, taldekide bakoitzak indibidualki gure eskolako esperientzia blogean plazaratuko dugu; eta ostiraletan, komunean jarriko dugu astean zehar izandako esperientzia argitalpen kolektibo bat eginez.

Planteatuko dugun erronka, zikloak, mailak eta testuingurua jakin ondoren azaleratuko dugu, nahiz eta ideia nahiko garbi izan, zuek irrikaz itxaron dezazuen...

ARGAZKI ELKARRIZKETA

Konektaturik egoteak izan ditzakeen abantailak desabantaila bihurtzeko aukera gertatzeko arrisku handi baten aurrean gaudela esan dezakegu, eta teknologia berrietatik aldentzeko momentu gutxi ditugu, gero eta gutxiago gainera, baina momentu horiek dira bizitzan gehien balio dutenak, estresak gidatutako mundu honetatik deskonektatzeko. Honako momentu hauek dira gehien apreziatzen ditudanak nire eguneroko bizitzan:

1.- SASKIBALOIA

2014-2015 Astigarragako Mundarro taldea

Ez dago niretzat beste momentu hoberik munduaz deskonektatzeko kirola egitea baino, saskibaloia izan da nire liberazio metodoa 8 urte nituenetik, eta nahiz eta oso ona ez izan, taldekideekin sortzen den giroa, esfortzu fisikoa eta saskibaloiak eman dizkidan pozak batuz gero, hau gabe nire bizitzan zer egin ez nuela jakingo esan dezaket, hau baita nire bizitzaren zati garrantzitsuenetako bat.


2.- BEHOBIA-DONOSTIA LASTERKETA

2014ko Behobiako dortsala

Hau bi arrazoirengatik da teknologiarik gabe bizitzen dudan momentu onenetakoa. Batetik, prestakuntza dugu, igandero aitarekin korrika egitera irten naiz, eta bion arteko erlazioa oraindik hobea izatea errazten du. Gainera, txikitatik egin nion promesa izan zen, ahal nuenean berarekin behobiak egingo nituela zin egin bainion, eta hortan nabil duela hiru urtetik. Gero lasterketa eguna dago, zeinetan jendearengandik jasotzen den indarra ezinbestekoa den lasterketa burutzeko, jende ezezaguna zu animatzen entzuteak indarrak ematen ditu, eta gainera, korrika egitea beste irtenbide moduko bat da estresa agertzen denean.


3.- LAGUNAK
Nork ez du unerik bere bizitzan, betiko lagunekin egoteko? 2 urte nituenetik bizitza osoan nire alboan egon dira, bigarren familia baten gisakoa dela esan dezaket, beraiekin eskolan egotean gurasoekin baino gehiago egoten bainintzen. Ikaragarria da hainbeste urteren ondoren oraindik ere elkarrekin jarraitzea. Gainera, teknologia berrien erabilpena ekiditeko ohitura bat daukagu: mugikorra hartzen duen lehenak ordantzen du arratsalde edo egun horretako lehenengo erronda tabernan.






4.- BIDAIATZEA

Donibane Lohitzune

Gustokoa dut bidaiatzea, batez ere mugatik beste aldera joaten banaiz. Arrazoia erraza da, konektatzea zailagoa da. Egia da hala ere, ziurrenik hotelean edo beste lekuren batean konektatzeko aukera badagoela, baina aprobetxatuz kanpoan nagoela, guztiz deskonektatzea dut gustoko.






5.- IBILALDIAK
Egia da ez ditudala gehiegitan egiten, baina egiten ditudanean sentsazio oso onak eragiten dizkit. Batez ere leku alturen batera joatean, bertatik bistak ikusteko, eta aire garbiagoa arnasteko.




6.- UDALEKUAK
Urtean behin diren arren, eta gehiagotan izatea gustatuko litzaidakeen arren, udaran begirale gisa joatean, 12 egun egoten gara guztiz deskonektaturik, erabiltzen ditugun gailu aurreratuenak dutxak eta komunak direlarik.


7.- AISIALDI TALDEA
Bi astetik behin LH nahiz DBHko haurrekin batzen gara larunbatetan, arratsalde edo goiz eder bat pasatzeko, eta nire mundutik pixka bat deskonektatzeko.


8.- DONOSTIA
Zein ederra den gure hiria... Leku ezkutu eta paisai oso politak aurkezten dizkigularik. Ez dago hemendik bakarrik ibili eta gozatzea bezain ona den beste sentsaziorik.

TALDE LANA: TEKNOLOGIEN INGURUKO HAUSNARKETA

Urteak igaro ahala, gizakia esklabutza munduan geroz eta gehiago murgiltzen ari delakoan gaude... zeren esklabu? Teknologien esklabu, jakina! Gizartea pikutara doa eta honekin batera gizartearen partaide direnen harreman sozialak. Hau irakurtzearekin batera, zuetako askok usteko duzue inoiz baina sozializatuagoak gaudela, eta gure ideia hau okerra dela... baina, pantaila baten atzean dagoenarekin hitz egitea, hitz egitea al da? Lagun bat gaizki dagoenean mezu batean animoak bidaltzean, lagun honek benetan jasotzen al du gure bultzada? Muxu bat bidaltzean beste aldean dagoenak sentitzen al du ezpainen kontaktua? Ez dugu uste...

Beraz, argi daukagu gero eta izaki bakartiagoak garela, erosotasun honen barruan oso gustura gaudela uste dugula, eta erosotasun honek galbiderantz garamatzalaren ideia ez dugula geure buruetan. Betirako biziko bagina bezala bizi gara, hau da, esku artean daukagun bizitzeko aukera paregabea ez aprobetxatzearen erabakiarekin goaz aurrera. Momentua bizitzea baino interesgarriagoa iruditzen zaigu momentuaren argazkia atera eta hau besteei erakustea, besteek gure momentuaren inguruan hitz egin dezaten. Besteek gure bizitza txalotzea nahi dugu, eta ez gara ohartzen gu geu garela gure bizitza bizitzearen arduradunak, ez sare sozialak.

Gaixorik gaude denok, ezin gara kalera irten mugikorra patrikan eduki gabe, ezin gara ohean sartu ohe ondoko entxufean mobila kargatzen ipini gabe, ezin dugu eguna telebistako seriearen kapitulua ikusi gabe bukatu, lokartu aurretik geurekin bizi direnak agurtzea baina garrantzitsuagoa iruditzen zaigu Whatsappean ditugun "elkarrizketakideei" agur birtual hori bidaltzea...Pikutara goaz eta galdera bat daukagu zuentzat: argia joatean, satelite guztiak desagertzean, teknologiak erabili ezin ditugunean... nor izango da kalera irtengo den ausarta?

IÑAKI PAGOLA (ADUNAKO ESKOLA)

Aurreko asteartean, Iñaki Pagolak Adunako eskolako irakasleak hitzaldi bat eman zigun Adunako eskolako IKT-en inguruan.Aduna Donostiatik 15 km-ra aurki dezakegun herri txiki bat da. Adunan 400 biztanle inguru bizi dira eta bertako haur guztiak, 68 hain zuzen, herriko eskola txiki baten ikasten dute. Eskola honen funtzionamendua ez da beste eskola askoren antzekoa, izan ere, maila ezberdinetako haurrak batera ikasten dute. Esaterako, H.H.2-tik LH.1-ra 12 ikasle daude, L.H.1-en beste 12 ikasle daude, L.H.2-tik L.H.3-ra bitartean 15 ikasle eta L.H.4-tik L.H.6-ra bitartean 11 ikasle.Baina ezaugarri hau ez da Adunako eskola beste ikastetxeengandik desberdintzen duen bakarra. Bertan proiektuen bidez egiten dute lan, gai desberdinak lantzen eta aztertzen dituzten proiektuez osatuta dago beraien ikaskuntza prozesua. Proiektua Alkiza eta Berrobiko eskolekin elkarlana eginez eramaten da aurrera, hezkuntza aberasgarriago bat lortuz. Horretarako, testu liburuak albo batera utzi eta IKT-en erabilera anitza egiten dute. Honek harreman zuzena du eskolak duen heldutasun maila aurreratuarekin. Ikastetxe baten IKT heldutasun maila, zentru horrek duen digitalizazio mailarekin lotuta bait dago.
Adunako eskolan dohaineko aplikazioak erabiltzen dira, eta ikasle bakoitzak bere erabiltzailea izaten du Google Apps erabilli ahal izateko (drive, google+, blogger…).
Irakasleek kuaderno digitala erabiltzen dute. Kuaderno digitala, egin beharrekoak zehazteko, landutako konpetentziak biltzeko, lantzeko moduak azaltzeko, helburuak zehazteko… balio duen dohaineko baliabide bat da. Bertan lehenago aipatutakoaren inguruko hainbat datu bildu ditzakegu eta dataren arabera sailkatu eta ordenatu. Gainera, edonon erabili dezakegun baliabidea da, eta edozein momentutan eskuratu dezakeguna. Ikasleen ebaluazioen inguruko argibideak ere idatzi ohi dituzte kuaderno digitaletan, aurrerapenak, akatsak, ongi egindako gauzak… eta beste irakasleekin partekatzeko aukera ere izaten dute. Irakasleek Calendar izeneko aplikazio bat ere erabiltzen dute egingo dituzten zereginak zein diren jakinarazteko, irakasleek gainontzekoak non dauden jakin dezaten.
Ikasleei dagokienez, irakasle eta ikasleek osatzen duten plataforma bat dute. Plataforma honen izena Classroom da eta honen bitartez posible zaie hainbat lan aurrera eramatea ordenagailu bidez. Bertan, ikasleek egiten dituzten lanak partekatu ditzakete irakaslearekin eta honek, zuzenketak egin ditzake. Bestalde, irakasleak ere  hainbat gauza partekatu ditzake plataforma honetan, bai bideoak, testu interesgarriak, irudiak… ikasleenganaino iristeko.
Lanak zergati bat izaten dute, praktikotasun bat. Kasu errealak erabiltzen saiatzen dira ikasleek gauzak errazago ikas ditzaten eta jasotako informazioa benetan barnera dezaten, teoria hutsean geratu gabe. Informazioa barneratzeko, ikasten duten hori praktikan jarri dezaketela ikustea da egokiena, ikasten duten horrek zerbaitetarako balioko diela ikustea.
Amaitzeko, Adunako eskolako sistema laburbilduz, hezkuntza eraginkor, dinamiko, aktibo, kooperatibo, elkarreragile eta parte-hartzailea sustatzen duela esango genuke, metodologia berriak aplikatuz, IKT- en erabilera eta jakintza bultzatuz, eta irakasle-ikasle harremanak indartuz.

GURE TALDEKO PLE-A, SAILKAPEN BATEN BITARTEZ (TALDE LANA)

SARE SOZIALAK:                                        - Facebook - Twitter - Instgram - Tuenti - Google + - Whatsapp - Sare Soziala - Youtube -Comunio

EROSKETAK: - Ebay - Amazon - Decathlon - Aliexpress - Media Markt - Privalia - Play Store -NBA store - Zalando -Vueling -Fnac-Segundamano                                                           -Lufthansa - El Corte Ingles -Nike -Adidas -Carrefour

KOMUNIKABIDEAK: -Marca -CNN                                                                                   -El Mundo -EITB -My News

KIROLAK:

 -Killian Jornet -Anton Krupicka -Fifa -NBA -Astigarragako Mundarro -Athletic Club -AS -JO TA KE -Eibar -Liverpool -Boca Juniors -Formula 1 -Strava

MUSIKA:                                                                       -Spotify -iTunes -Streamcloud -Uploade -Tomorrowland

TELESAIAK: -Breaking Bad -Prison Break -Simpsons -La Que Se Avecina